رُوَآيهَهُ : صُوتِگ معَذبْنيٰ . . . •

بسم الله الرحمن الرحيم

السلام عليكم ورحمه الله وبركاته

الشخصيات /

ابو خالد / له شركه كبيره صار المدير بعد وفاة ابوه

ام خالد / عندها ٣ عيال وبنتين

خالد / ٣٢ متزوج يشتغل بشركه ابوه

رحاب / ٢٧ عندها بنت وحامل

جوري / ٣ سنوات بنتهم

مشاري / ٢٤ بالجامعه و يشتغل بشركه ابوه

معاذ / ١٧ بالثانوي

ميهاف / ١٤ بالمتوسط

ميار / ١٣ بالمتوسط

ابو صالح / يشتغل بشركه اخوه ابو خالد

ام صالح / ٣ عيال وبنت

صالح / ٢٢ بالجامعه

مشعل / ١٣ بالمتوسط

وليد / ٤ سنوات

روان / ١٨ بالثانوي عربجيه شوي

ابو سعد / نفس الشي يشتغل بشركه اخوه

ام سعد / عندها ولدين توآم

سعد / ١٢ بالابتدآئي

سعود / ١٢ بالابتدائي توآم سعد

ابو محمد / تاجر

ام محمد / عندها ولد وبنتين

محمد / ٢٠ سنه تحضيريه

نهى / ١٩ بالثانوي

سهى / ١٦ بالثانوي

ابو مشعل / طبيب

ام مشعل / ولد و ٤ بنات

مشعل / ٢٢ بالجامعه

ريم / ١٨ بالثانوي

عهد / ١٦ بالثانوي

رزان / ٧ بالابتدائي

ندى / ٣ سنوات

ابو ماجد / يتاجر مع اخوه ابو محمد

ام ماجد / ولد وبنت توآم

ماجد / ١٩ بالثانوي

مجد / ١٩ بالثانوي

ابو عبد العزيز / مهندس

ام عبد العزيز / عندها ولد واحد

عبد العزيز / ٢٤

ابو تركي / يشتغل بشركه منافسه لشركه اخوانه

ام تركي / ولد و٣ بنات

تركي / ٢٥ يشتغل بشركه ابوه غصب عنه

مناير / ٢٣ بالجامعه

رهف / ٢٠ بالجامعه

شهد / ١٦ بالثانوي

البارت الاول <١>

مشاري / يمه بتزوج اللي في بالي

ام خالد / قلت لك ماراح تتزوج الا بنت خالتك

مشاري / يمه وش فيك مابي اتزوج امل غصب اتزوجها

ام خالد / شوف ي مشاري ماراح تتزوج الا هي وبعدين وش ناقصها

مشاري / ارتاحي لا امل راح اتزوجها ولا اللي في بالي راح اتزوجها

وراح طلع من البيت

طلع مشاري وركب السياره مسك الجوال

ودق . . .

مشاري / الوو

تهاني/ ههلا ميشوو هاه امك وش قالت

مشاري / تهاني امي مصره اتزوج بنت خالتي امل

تهاني وهي خانقها العبره / مشاري انت وعدتني تتزوجني

مشاري / حبيبتي كلش ولا هالدمعه تنزل امي قالت ما اتزوجك مو انا

وبكره راح اجي واطلب ايدك ولا يهمك

تهاني من بين دموعها / وامك

مشاري / انا ابيك انتي ، انتي ملكتي روحي وقلبي وتفكيري كيف باخذ غيرك

تهاني بنعومه / ميشوو احبك

مشاري / فديت هالكلمه انا يله لا عاد اشوف القمر يبكي

تهاني / عسى ما انحرم منك

مشاري / لباك ولا منك يله انتبهي على روحك

تهاني / من عيوني وانت كمان

مشاري / فديت هالعيون انا يله مع السلامه

وقفل ..

وراح مشاري لبيت ابو عبد العزيز

فتح الباب عبد العزيز

عبد العزيز / ي هلا والله وغلا

مشاري وهو يتنهد / هلا فيك

عبد العزيز / لا هالتنهيده وراها شي قول وانا اخوك

مشاري / والله ي عزوز امي مو راضيه تزوجني بالبنت اللي ابيها وتبيني اتزوج بنت خالتي

عزوز / وانت وش بتسوي

وكملوا سواليف
_____________

في مكان ما يدري عنه احد

عماد / ي ****** ليش قتلت ابويي

تركي / عماد لا تسب

عماد عطاه ضربه قويه برجله على بطنه وطاح تركي

تركي صار يتآلم

عماد / ي ****** رد علي ابويي ليه قتلته

تركي / ما قتلته وش تبي انت

وقام عماد يضرب في تركي

وطلع تركي مسدس من جيبه

تركي / شوف ان ما بعدت عني راح تلحق ابوك

عماد / ايه يله ماراح يكون صعبه عليك دامك قتلت ابوي سهله تقتلني يله ي اللي ما تخاف ربك

تركي / اوريك انا

ورماه بالمسدس وهرب

_____________________

عبد العزيز / طيب دامك مصر على تهاني ماراح اقولك شي

مشاريي / ياخي هي ملكت روحي وقلبي وعقلي وتفكيري

عبد العزيز / الله يكتب اللي فيه الخير وانا اخوك

مشاري / امين اقول عزوز وش عندك الليله

عبد العزيز / والله ما عندي شي فاضي لخشتك

مشاري / هههههه دامك فاضي لخشتي عازمك ع العشى

عبد العزيز / ابشر طيب وش رايك نعزم العيال بعد

مشاري / والله الفكره موب شينه

عبد العزيز / المهم بدق ع العيال واعزمهم

مشاري / طيب

________________

ميهاف / فديت مرت اخووووي رحاب

رحاب / وش عندك ي مال الصلاح

ميار / والله ي بعد تسبدي وناسي السالفه ماهي صعبه عليك اذا قمتي تتملحين عند اخويي

رحاب / لا حبيبتي التميلح مخليتها لكم

ميهاف / ي رحاااب ي روحي مين قالك تميلحي ماعليك من هالخبله ، اللي نبيه منك تقنعين ابو عيالك يطلعناا بس

رحااب / والله مثل ماهو ابو عيالي هو اخوكم يعني اقنعوه انتم

ميهاف / عاد مستغنين عنك وعن خدماتك مالت

وقامت هي وميار

رحاب / والله اخوهم ويدخلوني بمواضيعهم اروح اقابل جوري والله ابرك

وراحت

_______________________

روان / وليييييييييييد

وليد / نعم نعم

روان / وين السوني

وليد / وانا وث دلاني ( وانا وش دراني )

روان / وانت وث دلاك اخوانك وين حطوهاا

وليد / مآ .. مآ آعلف ( مآ اعرف )

روان / طس عن خشتي لا اصكك كف ينسيك اسمك

وليد / انا ... انا بعطيك كف ينثيك اثمك

روان / وصرت تهايط ي البزر والله اذا مسكتك من هالراس وفرمتك تعرف كيف تهايط

جت بتمسك وليد من رقبته

وليد / خلاص توبه وننه توبه ( خلاص توبه والله توبه )

روان / ايه اعقل عني لا ادفنك عند باب بيتنا

وهرب وليد

روان بعربجيه/ صالح ودني لبيت عمي ابو محمد

صالح / يختي وين راح الانوثه حسستيني انك واحد من الربع

روان بنعومه / تيب صلووووح ودني لبيت عمووو

صالح / اروح ملح على هالنعومه ابشريي من هالعيون ي قلبي

روان / لبى قلبك يله بروح اتجهز

وراحت تتجهز

بعدها وصلوا بيت ابو محمد

روان / تعالي انتي وياها خلونا نروح المطبخ

سهى / يله

راحوا للمطبخ

وصارت روان تسولف لهم

محمد / صالح بروح اجيب القوه والشاهي واجيك

صالح / خذ راحتك

روان قامت تقول لهم كيف اقنعت اخوها يوديها وقامت تقول بكل نعومه

روان بنعومه ودلع / نهى حرااام بسرعه خلصي القهوه والشاهي ما صاااااارت

هنا روان ما كانت تدري انها اسرت واحد بنعومتها ودلعها

محمد / احم احم

روان تغطت بالطرحه

نهى / امر

محمد / ساعه ننتظر القهوه والشاهي

سهى / ايه شوفهم ع الطاوله

واخذهم

نهايه البارت . . .

البارت الثاني <٢>

روان / وه تهقون سمعني وانا اتدلع

نهى / اكيد ما شفتيه دخل على طول اكيد سمعك

سهى وهي تغمز / تلقينه ذاااب عند اخوك

روان / ي نذذذله اسكتي لا ارفسك هالحين

نهى / وهي الصادقه بكره يجي عند مامتي اخطبيلي بنت عمي

روان / توني بشبابي

سهى / خلاص ماراح تاخذين الا اخويي هذي انا قلت لك من هالحين

روان / سسسسهى بذبحك بذبحك اعقلي عني بالله

__________________

صالح / وش فيه الحلو سرحااان

محمد وهو مفهي / هاه

صالح / ابي اعرف مين هذي اللي سرحان فيها

محمد / والله ياخوك خلني ساكت ابرك

صالح / قولي بس

ورن جوال صالح

صالح / هلا

روان / صلووح شسمه توني اتذكر لازم ارجع البيت عشان امي

صالح / طيب يله البسي عبايتك واطلعي

وقفل . . .

صالح / يله ابو حميد استآذنك هالحين

محمد / تو الناس ي رجال

صالح / يله المره الجايه مدريي وش فيها روان مستعجله

يوم جا طاري روان ضاعت علوم محمد

صالح / وش فيك

محمد / ما تقول انها مستعجله تلقاها تستناك برا

صالح / ايه والله هالحين بقمط العافيه من هالروان

محمد في نفسه ( هالصوت وهالنعومه وهالدلع وتقول بقمط العافيه الا ي بختك بهالروان احسها تغيرت عن اول بكثييير )

صالح / اقول بطلع واخليك سرحان بحبيبةة القلب

محمد متنحح

صالح طلع وصك الباب

وراح عند باب الحريم ولقى روان تستناه

ركبت روان وصكت الباب بقوه

صالح / شوي شوي ع الباب تراه ما سوالك شي

روان / اذا ما سكت طلعت حرتي فيك اعقل عني الله يخليكك

صالح وهو حاط يده على فمه / توبه انطق بحرف

روان ناظرت من الشباك لقت محمد طالع من الباب

جا محمد عند شباك صالح

فتح صالح الشباك

صالح / ما بغيت تخلص من تناحتك

محمد / اعقل عني وامسك هالورقه سهى قالت لي اعطيها لك تعطيها لروان

صالح / كل هالمشوار ليه انت عطها الورقه

محمد مَ صدق دخل من الشباك ومد ايده

صالح مسك ايد محمد

صالح / والله ما صدقت على ربك عطني الورقه ويله ضف وجهك

محمد / انت اللي قلت عطها وانا مااقدر ارفض لك طلب

صالح / مَ ودك تنقلع تقابل خواتك

محمد / الشره علي اقابل هالخشه

صالح صك الشباك ومشى

وعطى الورقه لروان

روان حطتها بشنطتها تبي تقراها بالبيت

وصلوا البيت وروان على طول راحت غرفتها

فتحت الورقه تبي تشوف وش عندها سهى

بس يوم قرآت الاسم انفججعت

نهايه البارت . . .

البارت الثالث <٣>

روان انفجعت يوم شافت الاسم

روان / ييييمه وش اسوي بنفسي انا مالت عليك يا روان محد قالك قومي تدلعي

دق جوال روان

شافت الرقم طلع رقم غريب عليها

ردت . . .

روان / الوو

...... / هلا والله وغلا بهالصوت

روان مصدومه عرفت هذا صوت بس تبي تتآكد / ممعليش اخويي بس مين معي

...... / معقوله ما عرفتيني انا اللي ذاب من صوتك ومن شكلك

روان مصدوووووووومه حدهااا / ………

........ / وش فيك

روان من بين صدمتها / قلت مين معي

...... / انا محمد معقوله ما ميزتي صوتي

روان / انا ماراح اسآلك من وين جبت رقمي بس بقفل الجوال هالحين وياليت ياليت ما تدق على هالرقم مره ثانيه

محمد / طيب من هالعيون بس فيه شي ابيك تحطيه بعقلك ي روحي انتي لي انا وعشان اضمن بجي اخطبك والزواج بعد الثانوي

روان / مع السلامه

وقفلت بدون ما تسمع ولا كلمه ثانيه . . .

روان / يا ربي وش اسويي اوافق عليه ولا ما اوافق وبعدين على كيفه يبيني اصير له حشى كل هذا بس عشانه سمع صوتي

ي ربيييييييه وش اسسسسوي

وجلست تصيح

____________

ميهاف / ميار ميار تعالي شوفي هذا بالله مو خقه

ميار خاااااقه / وه ي قلبي مين هذا

ميهاف / انقلعي لا تحطي عينك عليه انا حاجزته قبلك

ميار / طيب طيب لا حووول اكلتيني بقشوري بس مين ذا

ميهاف / فديت اخويي معاذ عنده اصحاب خقه

ميار فاتحه عيووونها ع الاخر وتشهق / ي السوووووووسه من وين لك صووورته

ميهاف / لقيت جوال معاذ مفتوح جلست اشوف الصور والمحادثات يعني بشكل عام افتش لقيت صورته ولقيت محادثته اخذت ارسلت الصوره لجوالي واخذت رقمه

ميار تشهههق بقوه / ورقمه بععععد لا والله انجنيتي

ميهاف / يختي بقي شوي من الاكسجين كل شوي وانتي تشهقين وبعدين ماراح اكلمه بس حفظت رقمه

ميار ساكته ما تدري وش تقول / ..........

بعد كم دقيقه دخل معاذ

ميهاف / هلا والله بحبيبنا وغالينا وكل شي بدنيتنا اقول معاذ تكفى عشاني انا وميار ودنا نتمشى

معاذ / ابشري من هالعيون

ميار / ويلومونا فيك ي بعد قلبي

معاذ / لبى اقول يله مشينا

ميهاف / ايه دقايق نتجهز ونطلع لك

معاذ / طيب بروح اشغل السياره

وطلع معاذ . . .

وتجهزوا ميهاف وميار وطلعوا

وراحوا الكوفي . . .

معاذ / هاه امروني وش تبون

ميهاف / ابي موكا حاره

ميار / ايه وانا قهوه سوداء

ومعاذ طلب وراحوا يجلسون

رن جوال معاذ . . .

معاذ / هلا والله

فهد / ي هلا بالشنب

معاذ / اخبارك

فهد / بخير الحمد لله وانت

معاذ / بخير دامك بخير

فهد / ودي اقابلك ياخي

معاذ / ابشر من هالعيون

وقال اسم الكوفي اللي فيه

فهد / دقايق وجايك

وبعد ربع ساعه جا الكوفي

شاف فهد معاذ ومعه بنتين

ميهاف مو مصدقه / وه ميار مو هذا اللي وريتك صورته

ميار تشهق / الا الا هو

وسلم فهد على معاذ وجلس

معاذ / اعذرني خواتي معي

فهد / لا عادي وش دعوه بس احس اني داخل عرض اشوفك بعدين بخليكم ترتاحون

معاذ / لا ي رجال والله ما تقوم ياخي اجلس معي ماعليك منهم

ميهاف تنرفزت وبين عليها

ميهاف همست في اذن ميار/ ميار تعالي معي

ميار / طيب

وقاموا . . .

معاذ / على وين ؟

ميهاف / استآذن بروح اغسل واضبط لثمتي وابي اختي معي

وراحت على طول ونست جوالهاا ع الطاوله

فهد / ياخي قلت لك جلستي معكم مالها داعي

معاذ / ميهاف كيذا اذا احد قال اللي معها ماعليك منها تعصب

فهد / وانت الله يهديك تقوله

معاذ / غير الموضوع شسمه بروح اجيب شي من السياره وجايي

فهد / طيب

وبعد كم دقيقه رجعوا ميهاف وميار

ميار جلست تطقطق ع البلاك

ميهاف اخذت جوالها وحطته بالشنطه

ميهاف / وين معاذ ؟

فهد خق على صوتها وعيونها / شسمه ذا راح يجيب شي من السياره وجاي

ميهاف / اهاا

وقامت تناظر مكان سياره معاذ بس ما لقت السياره

ميهاف شهقت / اخويي راح

ميار التفتت بسرعه وخافت

فهد التفت لمكان السياره وكانت ميهاف صادقه

فهد / بدق عليه

ودق . . .

فهد / وينك سحبت علينا

معاذ / قسم حصل شي اضطريت اروح بالله ودهم

فهد / ياخي انا مو من محارمهم ولا نسيت

معاذ / بس هالمره ياخي

فهد / طيب وقفل

فهد / خلاص انا اوديكم

البارت الرابع <٤>

ميهاف / نععععم

فهد / والله انا انسان ما يحب يعيد الكلام اذا سمعتي اركبي السياره واذا ما سمعتي مو فاضي اعيد كلامي

ميهاف / شوف اولاً انت مو من محارمنا وثانياً انا وش اللي يخليني اركب معك اصلاً انت روح الله يستر علينا وعليك وحنا بنصرف انفسنا

فهد / طيب علمينا وش بتسوين يا ست الحسن والدلال

ميار / هفففف بالله وش سالفتكم ميهاف دقي على مشاري

ميهاف / جبتيها يله بتصل عليه

واتصلت . . .

ميهاف / هلا ميشوو

مشاري / هلا

ميهاف / اقول ميشوو حنا بالكوفي تقدر تجي تاخذنا

مشاري / والله مشغول حييييل اتصلي على خالد الا صحيح وش موديكم هناك

ميهاف / والله اخوك ساحب علينا المهم بقفل بتصل على خالد

وقفلت . . ورفعت عيونها الا شافت فهد وهو يبتسم نص ابتسامه ورافع حاجب ومنزل حاجب

فهد / هاه عساه وافق يجي

ميهاف تنرفزت / اكرمنا بسكوتك

فهد / اقول بس اتصلي على خالد

ميهاف ما عطته وجه واتصلت على خالد

طلع جواله مقفل ودقت عليه اكثر من مره وكمان جواله مقفل

فهد بنص ابتسامه / ماعندكم الا انا

ميهاف / ومين قال لك اني بركب معك اصلاً بتصل على صاحبتي تجي مع اخوها

فهد تنرفز / هالحين انا قدامك تروحين تتصلين على الناس

ميهاف / اولاً هذي اعز صاحباتي ثانياً بتجي مع اخوها " محرم "

فهد اخذ جوالها منها / لا تتصلين بروح اجيب اختي واجي وجوالك معي

وراح بدون ما يسمع ولا كلمه منها

ميهاف عصصصصبت حدها / هذا مين يحسب نفسه يعني غصب نروح معه طيب حنا ما نبي هو وش يبي مننا هففففف

ميار بتهديها / انتي تبين معه محرم مو خلاص هو رايح يجيب اخته

عند فهد ...

فهد / ياخي هالبنت يعجبني عفويتها

وجا بيفتح جوالها طرى بباله يفتح جهات الاتصال عندها يبي يحفظ رقمه عندها

بس انصدم انها حافظه رقمه عندها

وقفل الجوال ..

ووصل البيت واقنع اخته ملاك تجي معه

ملاك / ١٤ بالمتوسط

ووصلوا الكوفي

ملاك على طووول عرفت ميهاف ونزلت من السياره بسرعه وراحت تضمها

ميهاف طاح لثمتها

وفهد شااافها

ميهاف بسسسرعه تخبت ورا ملاك وضبطت لثمتها

ملاك / اسفه بس وحشتييييييني

ميهاف / لا عادي فديتك وانتي اكثر ي قلبي وحشتيني علميني كيف مدرستك الجديده عساك مرتاحه فيها

ملاك وخانقتها العبره/ مو مرتاحه فيها ابييييك مععي

ميهاف وهي مكسور خاطرها / ي قلبي وش رايك تروحي تقولي لآخوك يخلينا نجلس شوي بالكوفي

ملاك / مابي مابي اصلاً انا مزاعلته تكفين انتي روحي قولي له

ميهاف / والله عشان خاطرك

ملاك ضمت ميهاف بقوه / الله لا يحرمني منك ي رب

ميهاف / ولا منك ي قلبي

راحت ميهاف عند فهد

فهد / اجل تعرفون بعض ؟

ميهاف / ايه .. وياليت تعطيني جوالي وتخلينا شوي بالكوفي مع ملاك

فهد / حسبالك اني واحد فاضي لكم

ميهاف / لا طبعاً انت انسان عندك شركه وعندك عقارات وعندك اسهم ومو فاضي للكوفي وهالشغلات .. بعدين مادامك مو فاضي ليه من الاول كلمت اخوي وقلت انك بتجي .. لو سمحت ملاك من زمان ما شفتها لآنكم نقلتوها مدرسه ثانيه وفرقتوا بيننا والان قسم ان ما خليتني اخذ راحتي معها ماراح المس سيارتك وافضل اني اروح مع تاكسي على اني اروح معك

فهد شدها وركبها السياره

فهد / ملاك انتي وصديقتك يله اركببوا السياره

وركبوا السياره

فهد وهو يسوق عطى جوال ميهاف لملاك

فهد / ملاك عطي هالجوال لآختنا اللي تصيح

ميهاف وهي تصيح / انت مين سمح لك تلمسني هاا انت ترضى احد غريب يمسك ملاك رد علي

فهد وقف السياره

فهد / يله خوذي جوالك وانزلي

ميهاف وهي خانقتها العبره اخذت جوالها من ملاك وقبل ما تنزل

ميهاف / اخويي واثق فيك وهو واثق فيك حتى اكثر مني انا وميار وانت بعت هالثقه ومسكت وحده من خوات صديقك اصلاً مدري كيف سمحت لنفسك

ونزلت ..

ملاك فتحت الشباك / ميهاف واللي يعافيك اركبي ترا اخويي مو قصده

ميهاف قامت تصيح

ميار / ميهاف بلا جنان واركبي

ميهاف / ميار مالك شغل فيني

فهد شغل السياره

ملاك / من جدك بتخلي ميهاف هنا

فهد / خلي كلامها ينفعها وعندها جوالها خليها تتصل على واحد من اخوانها

ملاك / ايه تتصل على واحد من اخوانها وانت وش بتطلع بنظرهم هاه معاذ بيحقد عليك بهالحركه اللي بتسويها بآخته

فهد طنشها ومشى

ملاك منصصدمه من حركه فهد

وميار حاااقده

ونزل ميار لبيتهم

وراح لبيتهم ونزل ملاك

وهو راح يهجول ويفكر بميهاف

ميار يوم دخلت البيت ما لقت ميهاف

ام خالد / ما بغيتي تجين وين ميهاف مااشوفها معك ؟

ميار توترت / ايييه هي ببيت ملاك صاحبتها

ام حالد فرحانه / والله يعني تلاقيتوا وانتي ليه ما رحتي مع اختك

ميار / تعبانه وودي انام وتعرفين هالثنتين اذا صاروا مع بعض ما يعطوني وجه

وبسرعه ميار راحت غرفتها

قفلت على نفسها بالغرفه واتصلت على ميهاف قافله جوالها

اتصلت على ملاك

ملاك شافت اسم ميار وخافت

ملاك ردت / ميار عسى ماشر لا يكون ميهاف ما وصلت البيت

ميار قامت تصييح / ملاك انا كذبت على امي وقلت لها ان ميهاف عندك بالبيت

ملاك / ماعليك انا بدبر الموضوع بس انتي هدي يا قلبي يله مع سلامه

_______

في نفس المكان اللي فيها ميهاف

كانت فيه سياره تراقب ميهاف من بعيد

فهد في نفسه [ وش فيها هالبنت ماتتحرك من اول ما وقفت هنا وهي مامسكت لا جوالها ولا وقفت تاكسي لا حول ولا قوه الا بالله لا يكون البنت فيها شي ]

فهد شاف شله من الشباب جو عند ميهاف

______

بمكان ميهاف

كانت جالسه وانتبهت ان احد حواليها رفعت راسها وشافت شباب

وكان وجهها كله دموع

قال واحد منهم / وش فيه القمر يصيح

قالت / بعدوا عني احسن لكم وانت » وتآشر عليه .. حدودك لا تتعداها

قال الثاني / فديت القوي انا

ميهاف / ماراح اكرر كلامي مره ثانيه

ووقفت واخذت حجاره كبيره شوي

ورمتها بقوه عليه وجا على صدره

جا واحد ثاني وهو يصارخ / انتي قدها

وجا يبي يمد ايده عليها بس لحق عليها فهد ومسك يد الرجال

فهد / هاليد بكسرها لك اذا حاولت تمد يدك عليها مره ثانيه

وقام يلوي يده والرجال يتألم ...

نهايه البارت ،

البارت الخامس <٥>

فهد بعصبيه : هاليد بكرسهاا لك اذا مديت يدك عليهااا

الرجال : اترك ايدي ولا
... واعطى للرجال الثاني اشاره انه يقتل ميهاف

الرجال الثاني ومعه مسدس ومصوبهاا على ميهاف : اترك خويي قبل ما اخلي قبرهاا هناا

فهد : اتركهاااا ي *****

وركض لجهته وعطاه ضربه على بطنه وطاح بعدين دعس عليه ومسك ميهاف

وميهاف تصييييح وفهد شاف المسدس ع الارض واخذها وصوبهاا ع الرجال والشباب الباقين هربوا

الرجال وطلع مسدس ومصوبها على ميهاف

الرجال : اذا اطلقتهااا علي بطلقهاا ع الحلوه اللي جنبك

فهد وهو مصوب المسدس عليه وكل شوي يمشي ويبتعد لـ جهه السياره

والرجال ما انتبه عليه كان مركز ع المسدس اللي بيد فهد

فهد يوم قرب من السياره سحب ميهاف وركبها بسرعه وركب هو ومشى بسسرعهةة وبعدوا عن الرجال

ميهاف منصدمه وتصيييح

فهد : خلاص السالفه هالمره عدت على خير

ميهااف وهي تصيح : كـ .. كـله منك لـ .. ليه نزلتني هناا .. وكملت صياح

فهد : خلاص انا اسف وباخذك على بيتنا وبخلي ملاك تدق على اختك وتقول لآمك انك نايمه عندناا ما يصلح ترجعين لبيتكم وانتي مبهذله كذا

التفت فهد لقاها نايمه وابتسم

ووصل لبيتهم ونزل ونادى ملاك عشان تساعد ميهاف

ملاك : ي حياتي ليه شكلك كذا مبهذل

ميهاف وخانقهاا العبره : تككفين دخليني

ملاك ومكسور خاطرها : من عيوني

ومسكتهاا ودخلتها ع البيت

فهد : ملاك

ملاك بعصبيه : نعم خير ي طير

فهد : كلميني بآحترام

ملاك بقلةة صبر : طيب وش تبي

فهد: انتبهي لميهاف ودقي على اختهاا وخيلها تقول لآمهاا ان ميهاف بتنام يومين عندنا

ملاك : طيب

وراحت ..

دخلت ملاك غرفتها ولقت ميهاف متكوره على نفسها وتصيح

جت عندها ومسكتها من كتوفقها وجلستها

ميهاف و هي تصيح / انا وش سويت لآخوك عشان يجازيني كذا انا ما سويت الا اللي لازم اسويه انا ماارضى انا واختي نروح مع واحد مو من محارمنا ملاك فاهمتني

ملاك وهي مكسور خاطرهاا / حبيبتي انتي ماعليك من اخوي فهد اذا عصب ما تدرين وش يسوي

ميهاف ومقطعها البكاء / ملاك انا بغيت اروح من فعايل اخوك وعصبيته انا جلست بالشارع و و و .. جلست تصيح اكثر وتشاهق

بهالوقت ملاك وميهاف ماكانوا يدرون ان فهد ورا الباب وما كان قصده يتسمع بس غصب عنه

دخل فهد وميهاف تغطت بالبطانيه

ملاك / نعم وش تبي اكثر خلاص فكنا من شرك البنت منهاره

فهد قرب وكأنه ما سمع ملاك / ميهاف والله اسف قسم انا انسان اذا عصب ما يدري وش يسوي تكفين سامحيني انا غلطان بحقك مره وانا مو من طبعي اعتذر لـ اي مخلوق اياً كان بس .. وقاطعته ميهاف

ميهاف قامت من السرير ووقفت قدام فهد

ميهاف/ لا تخاف ماراح يوصل شي لمعاذ تطمن

فهد / اسمعي انا ما اعتذر لك عشاني خايف ان السالفه توصل لمعاذ قولي له مو خايف هذا اذا حبيتي تخربين عشره العمر اللي بيني وبينه وبعدين انا اعتذرت لك لآني .. وسكت

ميهاف / اولاً انا ماراح اخرب بينك وبين معاذ وبعدين اعتذرت لآنك شنو لآنك بتثبت لي انك رجال باعتذارك هذا اصلاً انت فقدت رجولتك يوم انك تركتني بينهم ولا اهتمـ .. ما حست الا كف طيحها ع الارض

ملاك بعصبيه وصراخ / اطلع برا وفوقها تضربها والله لو معاذ يدري كان موتك على يده اطلع مابي اشوفك

ميهاف كانت بتبكي بس مسكت نفسها وقامت

ميهاف / طبعاً سهله عليك تضرب اخت صديقك مثل ما تركتهاا بالشارع واجتمعوا عليها العيال كل شي عشان ترضي نفسك وتثبت لنفسك انك بفعايلك هذي انك رجال .. قاطعهاا فهد بصراخ

فهد بعصبيه وصراخ/ اناا رجال وغصب عن اللي ربوك واذا مو عاجبك ي ست الحسن والدلال البيت يتعذرك انتي وامثالك

ميهاف / حلوو تبيني ارجع للبيت بهالوقت وش بيقولون اهلي هاه .. وبعدين انا كرامتي اهم منك وجعل رجلي الكسر اذا جيت هالبيت مرا ثانيه

طلعت برا الغرفه ولحقتها ملاك

عند باب البيت

ملاك وهي تصيح / ميهاف كيف بترجعين البيت وانتي مبهذله كذا اكسري الشر وارجعي داخل تكفين وفهد حسابه ثاني ماراح يقرب صوبك صدقيني

ميهاف تمسح على شعرها وتبتسم / حبيبتي ملوكه انا هالبيت من سابع المستحيلات ارجع لهاا فديتك لا تحرجيني

ملاك / طيب طيب نامي بالكوخ اللي تابع لبيتنا محد بيجي تكفين وبالظهر بكره ارجعي البيت تكفين لا تكسرين بخاطري

ميهاف بمزح / هفففف انتي وزنك هذا متى تتركين هالعاده

ملاك وهي تقبص خدودها / فديييييتها اللي ما ترفض لي طلب يله تعالي بوديك ع الكوخ

البارت السادس <٦>

ميهاف / طيب ملاك انتي متأكده ان فهد ما يجي هالكوخ خير شر

ملاك / اخوي واعرفه ما يجيه الا اذا اجتمع مع اصحابه

ميهاف / فديتك الله لا يحرمني منك

ملاك / ولا منك يله بس ادخلي الكوخ قبل ما نقلبهاا صياح يسمعهاا اللي رايح واللي جاي

ميهاف وهي تضحك / طيب طيب

.. ودخلت الكوخ وكان كل شي مجهز

ملاك / يله يا عمري نامي زييين بكره الصباح بجيب لك فطورك

ميهاف وهي منحرجه / بس ملاك ما اقدر انام بالملابس اللي علي

ملاك / طيب ليه الحراج خلاص ولا يهمك اعطيك من ملابسي بس انه واسعه عليك عادي ؟

ميهاف / ايوه ايوه عادي

ملاك / طيب ثواني والملابس عندك

ميهاف اكتفت بآبتسامهه

وراحت ملاك تركض

وميهاف جلست ع السرير

سرحااانه بكل اللي صار وانهاا تبي تعتذر لفهد وان ولا شي من كل هذاا بيوصل لمعاذ

.. ملاك وهي تدخل البيت وهي تركض ضربت بفهد

فهد / خير خير ليش كل هالعجله

ملاك وهي متوتره / وين انت طالع ليش ليش ماا تجلس بالبيت

فهد وهو شاك / وش دخلك انتي اروح ولا اجلس انتي وش خصك

ملاك / الشره علي ابي اجلس معك روح الله معك

فهد طنشهاا وطلع

ملاك راحت غرفتها وطلعت كم لبس يناسب ذوق ميهاف

.. فهد طلع من البيت وناوي يروح الكوخ

وصل عند باب الكوخ دق جواله

فهد / يا هلا والله وغلا

معاذ / يا هلا فيك يا الخوي اقول ابو فهيد الوالده قالت لي ان ميهاف نايمه عندكم

فهد / ايه ما عليك اختك بآيدي امينه

.. طبعاً ميهاف سمعت كل الكلام وهي داخل الكوخ

ميهاف بنفسها " اجل كل هذا وتقول اني بآيدي امينه "

معاذ/ اقول فهد عطني ميهاف بكلمها

فهد توتر / طيب ليه ما تدق عليهاا

معاذ / جوالها مغلق

فهد في نفسه " يا ذا الورطه وش السواة الحين "

ميهاف جت ورا فهد واخذت الجوال منه

ميهاف / عيون اختك امر تدلل

معاذ بفرح / فديت عيونك اخبارك يا عمري افاا كذا تخلينا وتروحين تنامين ببيت صاحبتك

ميهاف / بخير يا الغالي .. لا بس عشان ملوكه من زمان ما شفتها وكان بخاطري انام عنددهاا واعطيت خبر لماما يله معاذ مو لازم تعقد السالفه بس بس اليوم انام عندهاا

.. فهد طبعاً انصدم ما يدري من وين طلعت له ميهاف

وجت ملاك وشافتهم وهي حددددهاا مرعوبه من اخوهاا خايفه يسوي لهم سالفه

معاذ / طيب يا الغاليه براحتك يله مع السلامه

ميهاف بفرح / يا عمررررري الله يخليك لي ويطول بعمرك باي

معاذ وهو يضحك / امين وياك يله سلام وقفل ..

ميهاف مدت الجوال لفهد

فهد ونص ابتسامه / اشوفك ما طلعتي من البيت

ميهاف / والله احمد ربك اني طلعتك من هالورطه والا وش كان بتقول لمعاذ

فهد / قسم انك انسانه رهيبه تطلعين من تحت الارض

ميهاف وكاتمه الضحكه / المهم اسفه على كل اللي صار اوكي وتطمن ولا شي من اللي صار بيوصل لمعاذ

فهد / ميهاف

ميهاف / نعم

فهد / دقي علي بالليل ضروري

وراح قبل ما يسمع شي من ميهاف ..

ملاك مستغربه / اول مره اشوف اخوي يطلب من وحده تدق عليه اقول دقي دقي عليه الليل الساعه ١٢ ودي اشوف وشش وراه ابو فهيد

ميهاف كمان ودها تعرف

نهايه البارت ..

توقعاتكم ابو فهيد وش يبي من ميهاف

ومعاذ بيعرف اللي صار ولا لا

وميهاف وفهد نبي توقعاتكم لهالشخصيتين

البارت السابع <٧>

وجا الساعه ١٢ .. وملاك وميهاف بالغرفه ..

ملاك / دقي دقي خلينا نشوف ابو فهيد وش عنده

ميهاف / طيب طيب

ودقت ميهاف على فهد وحطت المكبر

ميهاف / آلوو ..

فهد وهو مبسوط / يا هلا وغلا بهالصوت

ميهاف / نعم

فهد / ميهاف بقولك شي ..

ميهاف / قول

فهد / ملاك جنبك ؟؟

ملاك بصوت واطي / النذل مايبيني اسمع شي ..

ميهاف وهي كاتمه الضحكه / لا مو جنبي

فهد وهو منحرج / بصراحه مدري اذا شعوري اتجاهك حب او اعجاب

ملاك اخذت الجوال من ميهاف / ءءءء طلع عاشق طلع ولهان

فهد / ملاك

ملاك / ايهـ ملاك اجل تحبها هاه لو اني ادري انك حاط عينك عليها كان خليتها ما تنام ولا يوم هنا

فهد / ملاك واللي يخليك استري علي الله يستر عليك

ملاك / امممم افكر

وقفلت قبل ما يتكلم

___________________

نرجع لشخصيات قاطعناها من البارت الاول

مشاري وهو يكلم عبد العزيز بالجوال

مشاري / انا رايح بكره اخطب تهاني تجي معي

عبد العزيز / ابشر من هالعيون

مشاري / تسلم يالشنب

عبد العزيز / الله يسلمك يالغالي

مشاري / الله يبارك بعمرك

عبد العزيز / يله موعدنا بكره

مشاري / يله سلام

وقفل . . .

مشاري / وجا اليوم اللي بشوفك فيها قدامي بالفستان الابيض يا تهاني

____________

نرجع عند القاتل والمقتول :(

عماد مات ولين هالحين واهله يدوروه

تركي في غرفته وعايش حياته عادي كأنه ما قتل روحين بريئين

انطق باب غرفته . .

تركي وهو ع اللاب / مين ؟؟

. . . . . / حزر فزر

تركي / بلا هبال مين ؟

. . . . . / اممممممم

تركي عصب وفتح الباب بس يوم شافهااا كأن كل عصبيته تبخرت

تركي / منال

منال / عيونها وروحها وقلبها

تركي ذااااب / احلاها من زياره ،، متى رجعتوا ؟ .. ووين خالتي ؟

منال بوزت / هالحين انا جايه من السفر وطياره عندك واكبر همك ماما ..

تركي وهو يقبص خدهاا / ياعمري على المبوزه فديتهاا

منال وهي منحرجه نزلت يدينه / تراني مو بزره

تركي يبي يقهرهاا / وين غلا

منال بغيره واضحه / وش تبي فيها ؟

تركي / ابد اشتقت لها بالحيل

منال مقهوره / وانا ؟

تركي / انتي يومياً اسمع صوتك اما هي لا حس ولا خبر

منال شوي وتصيح / شوفهاا تحت

تركي / لحالهاا

منال خانقها العبره / ايهـ

تركي ماقدر يكمل

على طوب ضمهاا . .

منال صاحت . .

تركي / لهالدرجه تغارين ياروحي

منال بين دموعهاا / واكثر بعد بس انت مو راضي تحس

تركي / والله اسف ياعمري

منال / لا عاد تعيدها

تركي مبسوط على براءتها / من عيوني . . الا اقول شكلك مرتاحه بالوضعيه ؟

منال على طول فكت نفسهاا وبغرور / مو انت اللي بديت

تركي ضحك / فديتها انا . . خلينا ننزل عشان غلا

منال طقته من كتفه / وش قلنا . .

تركي ضحك / طيب خلاص خلاص

ونزلوا تحت . . .

نعرفكم على اهل منال . . .

ابو معتز / ميت "(

ام معتز / شايله كل مسؤليه البيت مَـ۶ ولدها معتز

معتز / عمره ٢١ هو رجال البيت وسند اهل البيت وعزوتهم وهم بيضيعون بدون معتز

عبد الله / ١٦ بالثانوي

منال / ٢٠ بالجامعه

غلا / ١٩ بالجامعه

هلا / ١٤ بالمتوسط

مازن / ٥ سنوات

نهايه البارت